Serka nos nan ta pará sentral!
Nos grandinan tin e nesesidat pa sinti nan mes balorá i pa enfrentá kada dia ku entusiasmo.
Servisionan
Fundashon Residence Paradise ta ofresé posibilidat pa:
-
Estadia di un dia pa persona mayó.
-
Kuido ku residensia pa persona mayó. Tin (14) dieskuater apartamento independiente ku entrada propio i ta disponé di baño adaptá ku awa kayente i friu, kama ku kolchon semi ortopédiko, aire kondishoná, ‘flat screen’, frishidèr, patio propio i wi-fi. Si e habitante ta deseá e por partisipá na e aktividatnan diario ku e fundashon ta organisá manera: treinmentu riba orientashon di realidat, ekskurshon, kushiná, aktividat den hardin,aktividat físiko, terapia di awa.
Nos ta selebrá tur fecha festivo importante.
Otro servisionan ku nos ta brinda na nos habitantenan ta entre otro:
- Desayuno i otro kumindanan, despues di deliberashon ku dòkter di kas i dietista.
- Kuido 24 ora, yudansa ku bañamentu òf makiahe.
- Guia digital, pa keda den kontakto ku famia i amigunan.
- Bishita semanal di dòkter di kas.
Historia previo
E edifisio di apartamento nombrá ‘Cecil Paradise’, tabata konosí komo un hotèl pa turismo di mochila moderno te ku desèmber 2019. Debí na paro di turismo/krísis ekonómiko relashoná ku Covid-19, a sera e portanan!
Ku un aktitut positivo, na medida konsiderabel, kiko si nos por ofresé nos komunidat!? Durante di e utilidat di e edifisio di apartamento, nos tabatin programanan semanal pa e hóbennan i e intenshon tabata, pa involukrá mayornan di bario i besindario. Esaki tabata e propósito/motibo pa drenta deliberashon/kontakto ku GMN pa krea/konstrui un sentro pa Pasa Dia pa personanan mayó/adulto i establesé un komunidat será/gated community.
I pa medio di esaki, e fundashon ‘Residence Paradise’ a keda establesé, pa ofresé apartamentonan apto instalá pa e adulto independiente i tambe pa e adulto, ku mester mas kuido. E instansianan konserní, manera; brantwer, departamento di inspekshon i GGD servisio tékniko, a ehersé e kòntròlnan, konseho di adaptashonnan i kambionan nesesario pa komplementashon.
Ophetivo
Ophetivo, motivashon i empeño, ta e garantia pa e kliente-residente:
- Su identidat/outonomia i trankilidat, mester wordu respeta.
- Supervishon profeshonal i atenshon kaluroso, semper lo ta presente pa prolongá/enrikesé añanan di bida.
- Pa medio di implementashon di kuido responsabel i ku kompashon nos por hasi, kada estadia plasentero.
Kambernan
Residence Paradise su kambernan ta den un area trankil, i tin tur loke bo ser kerí mester di dje. Tur kamber tin Wi-fi, aire kondishoná, frishidèr, televishon i hopi mas pa asina akomodá e persona aki.
Nos bishitantenan tin pisina tambe; no solamente pa terápia, pero tambe pa distraí nan mes ora ta nesesario. Tambe nos kambernan ta disponé di baño adaptá ku awa kayente i friu.
Tuma kontakto ku nos
Tel: +59996778118
Noord Rosendaal, Curaçao.
